蘇永康經常帶Jazz玩戶外活動。
子華特意探訪契仔Jazz，更赤腳陪佢喺屋企踢波。
黃子華與蘇永康相識多年，關係友好，Jazz出世不久便跟子華上契。
子華非常愛錫契仔Jazz，不時相聚見面。
黃子華早前為蘇永康拍了一段宣傳影片，名為「契爺的禮物」。
蘇永康在IG上戴一段囝囝Jazz與契爺子華踢波的短片。
「哎吔兩仔爺」踢波咁過癮，蘇康當然有拍低仲放上網益街坊，並留言：「難得契爺有興趣陪Jazz踢波，大人細路都咁投入，贏輸有乜所謂!感恩。」片中Jazz一身足球小將look，十分可愛，與契爺黃子華互相搓波，功架十足。子華以英文問Jazz，你要上足球堂?蘇康回應，「柴娃娃㗎咋。」而Jazz眼中只有足球，完全無視子華神，非常大膽。
最後子華轉問身旁的蘇康：「上堂要戴住口罩咁踢？」蘇康表示:「我都唔知，應該要。」子華回應：「唔係戴住口罩踢咁慘嘛!」不少網民留言指Jazz長大不少，又對久未露面的子華神展露心心眼，Jazz就好啦，有子華神做契爺真係幸福。
