家燕姐盼望今年屋企人齊齊整整坐埋喺度食飯。
家燕姐今年首出奶黃月餅。
日前家燕姐出席商場中秋活動。
身在美國嘅珊珊離家大半年了，家燕姐梗係掛住佢啦！
粉絲幾乎唔認得換咗新髮型嘅家燕姐！
今年薛家燕首次推出自家品牌「家燕媽媽流心奶黃月餅」，疫情下銷情不俗，「中秋節係一個佳節，希望我嘅月餅，大家食得開開心心囉！我都有成大半年冇出去商場行喇！而係今年中秋節最大希望係團圓，好想身在美國嘅大女珊珊可以趕得切返嚟，隔離完14日之後，趕及成家人一齊食飯過中秋節！如果到時受限聚令影響就留喺屋企食，但唔使我煮，因為我細女同新抱𠵱家煮飯好叻，呢個疫情佢哋日日都煮餸煮飯，好好味！咁喺屋企食都好開心。」家燕姐又忽發奇想，「或者食完飯食埋月餅再上山頂賞月。」
