香港一向置業艱難，尋得一個安樂窩是不少人的理想，近日便有網民討論到底公屋與私樓有多大的分別。

「連登討論區」有網民發文，指自己小時候住在私樓，不知道公屋的環境，「細細個住私樓，夏天去樓下泳池游水，得閒去會所做下暑期作業，以為個個人屋企樓下都有泳池」，又指住公屋的朋友都羨慕他，「佢地話上你屋企玩下啦，跟住佢哋入完樓下花園個鐵閘後就哇哇哇，見到個大堂又哇哇哇，入到屋之後就話你屋企好大好靚呀，我同佢講：平時我訓下面個層，佢話：你仲有一層呀，個陣我都無為意，覺得佢地好客氣」，網民並指從小住在私樓的自己從未到訪公屋，直到上同學家才發現公屋的空間比起私樓差得多，「之後去左個公屋朋友屋企叫佢教我入歌落mp3度，個陣先知道原來公樓私樓差咁遠」。