姜B出發去台灣前接受《頭條日報》訪問，話自己係橋王，更表示啲橋「會自動save，你𠵱家想要咩idea我都可以話畀你聽」。報道一出一眾「姜糖」瘋狂讚好，之後釋出訪問花絮片更公開姜B身形煩惱同最擅長的「食好西」，「姜糖」們相當冧豬。

你以為得一條花絮片咁少？知道「姜糖」好支持偶像，每次「頭條娛樂FB Page」一Post姜B新聞就得到廣大「姜糖」嘅支持，瘋狂畀Like同留言，為多謝「姜糖」們及希望暫時慰藉「姜糖」嘅相思之苦，當然唔會要大家loop舊片，《頭條娛樂》再推姜B絕密Cute爆訪問花絮下集，今次姜濤繼續發揮橋王本色，向前輩林奕匡建議新歌Idea，又表示要幫自己啲橋攞版權，但噏到嘴邊唔知自己想講咩，真係傻得好可愛呀！


製作：何蔓琪