單文柔(Phoebe)與陳展鵬嘅寶貝囡囡陳諾瑤（小豬比）愈大愈可愛，網民睇佢嘅寫真相睇得相當開心，受歡迎程度絕對不遜於父母，難怪單文柔經常喺IG狂晒小豬比萌照。

今日單文柔上載小豬比跟爸爸陳展鵬去超市購物相，相中戴上豬仔口罩嘅小豬比，乖乖咁坐喺購物車內，好奇眼神十分精靈。陳展鵬則負責推車，但單文柔就冇交待自己係咪在場，單文柔開心留言︰「Supermarket with papa」。網民除咗大讚小豬比夠萌，愈大愈可愛同靚女外，仲發覺購車內買咗好多麵包，睇嚟麵包係小豬比至愛，係咪食麵包會愈食愈萌呢？