蔡卓妍人狗貓團圓大合照，男友石恆聰去咗邊?
蔡卓妍年年都同「月餅」、「冰皮」、「碌柚」賀壽，轉眼牠們經已14歲，都出現老人病，要好好保養。
置身狗狗堆嘅肥貓「嚦咕」有啲驚青喎！
「茘枝」成日冇咗影，點解漏咗佢喺枱底？
約瑟「栗子妹」今年4歲大。
肥貓「嚦咕」好可愛。
阿Sa共有5隻愛犬「月餅」、「冰皮」、「碌柚」、「栗子妹」、「茘枝」。
疫情下阿Sa都有廣告拍，唔怪得畀網民形容係小富婆。
蔡卓妍同鄭秀文主演《聖荷西謀殺案》終於上映啦，呢套戲等咗咁耐先上映，真係有千呼萬喚感覺。
Sa媽筆下嘅阿Sa同「孫仔」、「孫女」。
阿Sa一向愛錫動物，養狗又養貓，一室毛孩變咗動物園，屋企相當熱鬧。聽日就係中秋節，昨晚阿Sa為年老愛犬「月餅」、「冰皮」、「碌柚」賀壽，並喺IG晒人貓狗團圓溫馨大合照，不過，男友石恆聰就冇影。阿Sa留言：「月餅，冰皮，碌柚14歲大壽，14歲等人類的69歲，#時光飛逝但願牠們健健康康#繼續衣食無憂#特登帶埋嚦咕嚟同佢哋賀壽#被熱情的哥哥嚇親#阿媽唔易做#要佢哋全部望鏡超難。」
相中貓狗東張西望周圍走，大合照只能影到4狗1貓，「茘枝」成日冇咗影，反而「冰皮」最乖肯面對鏡頭，約瑟「栗子妹」就相當省鏡，而愛貓「嚦咕」置身狗狗群，睇落就有啲驚青。原來除咗「栗子妹」仲細，其他狗狗全部都有白內障，但從外表同扮相一啲都睇唔出有老態。網民大讚阿Sa照顧得好好，全部都好幸福呀！老年犬隻隻仲好cute。最搞笑有網民留言話：「跟住小富婆阿Sa梗係衣食無憂啦！」另外，亦有人關心貓狗能否相處得來。
