雖然唔係張可頤生日，但51歲嘅可頤比壽星女李蕙敏更chok。
李蕙敏享受今年第一頓生日飯。
五人的飯局，似乎有違限聚令喎！
美食當前，睇見到流口水，加上對住維港夜景用餐，真係賞心樂事。
疫情下李蕙敏全副精神照顧兩歲養子。
李蕙敏喺IG分享兩歲可愛養子Michael。
李蕙敏於生日前夕放肆一吓，撇低英籍老公Serge同朋友慶生。
51歲張可頤仲係好Fit。
李蕙敏唔會放棄唱歌。
李蕙敏演完張之珏執導嘅舞台劇《但願人長久》後，同張可頤、謝君豪、江美儀等做咗老友。
昨日Amanda喺IG開心share慶生相，見相中她跟張可頤及3名朋友，喺維港夜景下寫意地享受晚餐，Amanda更留言答謝好友：「謝謝好友的美意，舞台劇《但願人長久》造就了我們的友誼！第一頓生日飯，身心皆豐盛（係一定會更豐滿），太滿足！」原來去年她演完張之珏執導嘅舞台劇《但願人長久》後，就跟Maggie做咗老友，仲不時約會。
51歲嘅張可頤單晒眼，大擺港女甫士，好有少女心。至於着住紅色襯衣加烈燄紅唇嘅半百壽星女Amanda都保養得宜，驟眼睇唔出快到25對了。
