張達明接受苑瓊丹訪問，罕有談及一對子女。
達明跟苑仔老友鬼鬼，兩人更互笠高帽。
達明坦承當年經常離港拍戲，對子女感愧疚。
難得跟老友暢談，達明笑得特別開懷。
達明笑言一口答允亮相，為向苑仔還人情債。
達明更搞笑自封為演「皇帝專業戶」。
達明鮮有在訪問中，提到兒子子由(右)和女兒子簥。
Previous Next
張達明日前接受苑瓊丹邀請，亮相香港開電視節目《開工大吉77》，張達明笑指去年首次做電影監製，碌卡邀請「苑苑」客串，對方仗義補拍戲份，所以一口答允做訪問。達明話自己圈中打滾多年，台前幕後崗位都曾參與，但最愛仍是老本行演棟篤笑，「我做監製就唔係好在行喇！但呢個崗位就可以諗吓搵邊個朋友幫手，夠唔夠錢碌邊個卡客串咁，喺我病後可以圓監製夢。而咁多年最鍾意都係做棟篤笑，因為夠晒即興，試過做做吓唔記得對白，錯晒都照做落去，偏偏成為最好笑嗰一段。」