衛詩雅搵埋陳家樂，抄吳千語同關智斌嘅滑水片，勁搞笑。
相比吳千語，衛詩雅嘅白色泳衣保守得多。
網民大讚陳家樂靚仔過關智斌。
網民力撐衛詩雅，話她比吳千語正。
陳家樂同關智斌都係型男。
一舉手一投足都抄足。
衛詩雅同吳千語邊個較有吸引力就真係見仁見智喇，但明顯後者較進取。
衛詩雅的社交平台宣佈成功吸納逾10萬訂閱，故決定發放泳裝福利。
Previous Next
向來熱愛游水嘅衛詩雅(Michelle)昨日公佈喜訊，話她的社交平台已成功有10萬訂閱，故決定發放福利，除咗放白色泳衣相外，她仲上載多條滑水片，留言：「好多謝大家支持，我終於過咗10萬訂閱啦，上次IG收集完大家意見，最多人想我做嘅其中一項係着泳衣，咁無理由淨係着泳衣㗎嘛～反正我都好耐無出海喇，一於拍個雙Wakesurf 啦！」

 

條片相當有創意，衛詩雅搵埋老友陳家樂Wakesurf ，但就照抄早前吳千語同關智斌嘅滑水片，影片由背面開始，兩人一舉一動都抄到足，連泳衣都有兩套，仲將兩條片同一角度拼埋一齊，相當好笑，連關智斌都忍唔住留言話「笑死人系列」。對比之下，Michelle明顯比吳千語冇咁進取，泳衣也保守得多，高叉、低胸欠奉，包到密密實實。不過，網民卻力撐Michelle和家樂呢一對，留言：「笑死！」、「好波好波！」、「咁陳家樂靚仔好多」、「妳正好多」、「我認真想你同家樂一齊，你靚、乖、純！好過MK女囉！」原意只係have fun，但吳千語睇完留言，唔知會唔會嬲嬲豬呢？