Hotcha成員Winkie(黎美言)胞弟黎嘉駿(Harry)16日早上於灣仔駱克道墮樓身亡，終年28歲。Harry任職劇界，屬自由身演員、導演、填詞人。由於多才多藝，卻鬱鬱不得志，未知是否受情緒困擾而輕生。據知，家姐Winkie無法接受弟弟死訊，趕往弟弟寓所崩潰痛哭，情緒激動，而本月18日正值是Winkie 33歲生日，沒料到發生如此悲劇，凌晨時分Winkie仍無法入睡，於社交網發長文，傷痛地悼念弟弟，表示以他為榮，縱使這一刀很痛，也尊重他嘅「決定」，承諾會好好盡責照顧父母，並活得更堅強，將來姊弟天國再聚。

她寫道：「2020年10月16日永遠都是我最傷痛、最懷念的一天⋯⋯ 我只得一個細佬，一個我最親嘅親人。我由細照顧到大成長嘅細路，陪着我長大，成日關心我嘅細佬，昨晚你選擇離開了我們，你永遠在家姐心目中，是最優秀、最有有成就、心地最善良、非常有夢想的人。一個非常善良的男孩，我們的緣份只有20幾年。

你多年為舞台劇嘅熱誠付出，你創辦嘅想出軌劇場，你填過這麼多份歌詞、身兼演員、導演、創辦人、藝術總監，你唔怕艱苦、唔問回報、什麼也為人着想。家姐有你呢個細佬引以為榮.....

今日我控制住自己嘅傷痛，經歷過未所經歷嘅事情，處理好家中一切事情回到屋企，我永遠好好紀念這個日期，還以為可以跟你到80歲，互相看着大家的家庭兒女.....我知道已經係事實，你沒有做錯，我亦非常尊重你的決定....在家姐心目中永遠支持你的決定，沒有錯與對，真的。

我非常相信你曾經用心嘅創作，這10個年頭你，感染過唔少人，你嘅堅持你身邊嘅圈子係一定會睇到，你這麼多朋友，他們會永遠想念你，包括我哋一家人。求天父把你安息， RIP 我們一定一定約定會在天國見面，我每天也為你祈禱。