廣告商Like爆張天賦(MC)人氣夠唱歌好，兼能發揮香港人精神。
張天賦(MC)喺巴士站宣傳燈箱影相留念。
張天賦(MC)chok住做口罩代言人獲六位數字酬勞。
《全民造星II》亞軍張天賦(MC)人氣夠，有唔少鐵粉。
上月他應造星導師Miss Chan Chan(陳潔靈)邀請擔任作品展《埋班作樂》嘉賓。
張天賦MC喺《全民造星II》奪亞軍。
張天賦MC為曾若華新歌拍MV。
《全民造星II》三甲吳啟洋Phoebus,張天賦MC,李祉均Oscar 。
Previous Next
《全民造星II》亞軍張天賦(MC) 雖然冇簽ViuTV，但依然係人氣王，上月他應造星導師Miss Chan Chan(陳潔靈)邀請擔任作品展《埋班作樂》嘉賓，有份合唱《標本》。最近他更處男下海拍咗個較大型嘅廣告，口罩廣告商睇中MC夠人氣，唱歌好，而且好有年青人幹勁同埋動力，能發揮香港人精神。

 

早前MC張天賦喺維港風景下取景，拍攝期間有齊化妝師和髮型師，一行10多人團隊在場打點，排場十足！廣告喺港九新界巴士站都見到他蹤影，算係好揼本，唔少粉絲走遍全港巴士站逐個打卡追蹤！他笑說：「有一晚喺旺角撞到有fans喺巴士站打卡，其實望住一排自己嘅燈箱都幾尷尬，但係又覺得好開心，尤其有位同我玩咗好多年音樂嘅朋友，都喺燈箱自拍後掟相畀我，嗰刻感覺真係好正。」MC張天賦承認喺疫情下廣告收入好唔錯，代言費高達有六位數字。