父母每次帶同孩子出街，都要帶備好多用品或推BB車，忙得「雞手鴨腳」。有港媽就在Facebook群組發文，感謝一位邀請她坐順風車的熱心女士。

港媽在「青衣街坊吹水會」Facebook群組發文指，日前自己一人帶著兩名子女，在青衣青綠街小巴站排隊，但小巴爆滿飛站，已經一段時間難以上車。一位排港媽前面的短髮女士截上的士後，好心問港媽是否出荃灣/千色，叫她一齊上車。港媽開心答應，想等到站夾回車錢，不過短髮女士就說「唔洗夾錢，反正趕時間自己點都要搭的士。」

直至到站落車時，港媽已經準備好車資，但短髮女士仍婉拒，表示自己趕時間，更說「比小朋友買嘢食」。港媽發帖多謝這位好心女士，「就係咁我哋就搭咗免費順風車，後來諗起...當時我仲手持多部BB車上的士，唔知有冇咁司機額外多收費用，所以更唔好意思。」

網民都留言讚好人好事，「其實香港人好多都好好人心地好好的」，亦有人分享經歷，「我都試過呀，我個日同樣都係一湊二，我都係有BB車！佢身形都比較瘦仲幫我拎埋架BB車我都真係唔好意思」。