疫情下不少人慘失業，有市民就在網上發帖鼓勵揾食艱難的港人，即使失業也不需覺得好大件事，只要努力必定能找到工作，並分享自身經歷，曾在2008年金融海嘯生意失敗的他，一度做過公廁所長，但仍堅持不懈，最後也度過難關。

網民在「Tai Po大埔」Facebook群組發帖分享個人經歷。2008年金融海嘯，當年30歲的網民生意失敗，家中有老有幼，只能繼續尋找可以做的工作。「我落街行，經過一個公廁，請所長，我立即見工，條友問我，做得來嗎，我答: 我嘅人生夢想就係做所長」。風趣的答案贏得僱主歡心，第二日就真的請了他。

「所長」人工只有5000多，「係污槽，好多人見到呢個年紀做所長，會用奇怪眼光望住，但工作仲係應付到，好過係屋企坐。」三個月後朋友介紹做倉務，但做不習慣的網民後來又做回所長，直到半年後找到地盤文職工，一做就好幾年。

網民表示，與其坐等，不如主動尋找，不要嫌棄體力勞動或厭惡性的工作，「做所長時，我係諗都唔係做成世，最少有生活費先，做唔掂咪走人再揾。」他更再爆曾做過滅蟲、跟車、樓面、大廈維修，「大廈維修，一見到出棚架，3x層，朝早已經唔做，但肯揾總會有，餓你唔死」。

勵志帖文引來網民「派like」，紛紛鼓勵香港人加油，有人指「能屈能伸，欣賞」、「職業無分貴賤，無人洗碗起樓就唔成世界！有手有腳唔返工R福利嘅就真係賤」、「心態決定境界」。