不少家長對於學校仍然未全面復課大有牢騷，有中學教師網上討論區「親子王國」發文反駁，指準備網課的功夫多、花時間，聽到家長一味埋怨「成日開口埋口話老師嘆慣，白逗人工，對於真心為學生付出的老師，聽到真係非常難過。」

發文者任教第二組別中學的中一、中四、中六班級，老師指中四五每日上課，然後中一至三輪住上課，她表示每日早上8時至下午1時要進行實體課及網課，下午再幫高年級補課及開會，「網課準備比實體課更多！教咗咁多年，我合埋眼都背到課本內容，但上網課，為咗令學生更有興趣同專注，我哋要諗好多活動，舉列整個Kahoot, 玩15分鐘，但準備功夫隨時一兩個鐘，仲要將好多教材電子化，等學生睇得更容易，依啲全部係心機時間！」

老師又指，學生每日網上交功課，「我就起ipad開來改，啲學生又scan得衰，有時好朦、有時cut咁啲字，我比收到實體功課用多起碼一倍時間批改。」她又透露「以前學生唔明我可以留佢起度教，而家隔山打牛，我甚至就住批改的作文，每份拍片比意見再send返畀學生，依啲唔係時間心機？」

她又表明並非拒絕檢測，學校沒有問過老師的意願，身邊所有教職員都願意檢測，希望盡快復課。她批判，「有人立心不良，想分化老師同家長，成日開口埋口話老師嘆慣，白逗人工，對於真心為學生付出的老師，聽到真係非常難過。」

她自言有2個小朋友，都好希望能課，所以完全明白家長的訴求，「但日日起度怨，對你小朋友有幫助嗎？」