不少人家裡的梳化底或許藏著各種雜物，但現實中的梳化底可能藏著自來貓！有大埔街坊日前發文，指某日在家中梳化下出現一隻自來的陌生花貓，遂到處找尋其主人，幸最終找回，發現原來那是鄰居的寵物，這段奇遇令一眾網民都感到相當有趣。

有網民日前在社交媒體Facebook群組「Tai Po大埔」上載圖片，並留言問「有冇人屋企唔見咗貓？」，他指家中梳化底無端出現一隻自來的混色小花貓，遂在網上急尋主人。樓主同時又有向大廈管理處及鄰居查問，但都一無所獲。

帖文一出，大批網民即時轉載，希望可以幫手找回小貓的主人，亦有不少人提供建議予樓主。其中，有網民提議樓主，若最終找不到小貓的主人，可考慮將其收養，笑言「你係被選中嘅貓奴」、「主子已被喵喵領養」，不過樓主就表示家中無辦法養貓，又認為小貓應該會因為「冇咗主人」而感到不開心，因此想盡快找到牠的主人。

幸好帖文發布後約6個小時後，樓主便稱已尋回小貓的主人。該隻名為「喵喵」的小貓原來是鄰居的寵物，意外走入樓主家「探訪」，但因主人曾外出，故未有及時發現牠「離家出走」。樓主之後表示，發現喵喵時「呆咗10秒左右，完全O晒嘴」，幸好很快便找回主人，笑言「今日應該係喵喵同埋我屋企張梳化最出名」。

網民及街坊們得知小貓平安無事都感到放心，大讚樓主積極幫牠找尋主人，直指是「搞笑又溫馨的奇遇」，亦有網民非常「葡萄」樓主，紛紛留言表示「求分享，你張梳化邊到買」、「我都想屋企無啦啦有隻貓」、「我啱啱搵過梳化底點解冇？」、「返屋企都睇下我個梳化有冇貓先」、「好失望，點解我梳化底得啲塵」。

另外，亦有網民提醒樓主應小心處理「尋貓」，以防小貓會落入非主人的陌生人手中，「你貼張紙喺自己門口話有隻自來貓，唔好話隻貓乜色幾大，仔定女，同話聲樓下管理處知，咁會有效過放佢張相上嚟。有人嚟話要認貓都叫佢提供貓相，最好有特徵可以確認。」


資料來源：「Tai Po大埔」