溫碧霞（Irene）近日在內地過着「飛人生活」，日前專程由上海飛到深圳出席好友品牌的時裝表演，又在動物園睇駱駝，尤其驚喜見駱駝開餐食樹葉，她在訓練員引導下撫摸駱駝鼻樑，又首次拖住駱駝散步勁興奮：「駱駝好得意呀！唔好睇佢咁大隻，原來駝駱好溫柔，又好乖，佢哋食樹葉時，好似好肚餓咁，好可愛呀！」愛海的Irene除咗參觀駱駝，仲喺下榻酒店外嘅人造沙灘影靚相留念，引嚟唔少遊人偷拍「女神」，見到「女神」現身，大家都驚喜要求合照。

Irene完成深圳時裝騷，繼續馬不停蹄飛去北京，拍攝雜誌封面及為戰爭題材大製作電影《731》試造型，Irene好期待與導演趙林山及影帝張家輝、王凱俊合作，角色甚具挑戰性。