本港樓價長期高企，住屋問題困擾不少人。政府早前擬重新推售「租置計劃」的貨尾單位，為不少公屋住戶帶來一絲曙光。有女網民指，與父親及嫲嫲同住黃大仙一公屋單位，自己即將畢業，亦有存款，詢問應否以61萬元買下單位，引起網上討論。

該名港女在網上討論區「連登」上，以「61萬公屋買唔買得過？」為題發文，指自己與父親及嫲嫲同住黃大仙一個近30年樓齡、兩房一廳的300呎公屋單位，嫲嫲年紀大，爸爸亦快將退休，但他一直都無意買下單位。

樓主指，自己即將畢業，亦有存款，便有意透過「租置計劃」，以61萬元的價格買下單位，「覺得一直住緊嘅呢個單位幾舒服，交通都方便……不如早日搵到地方落腳，當買畀老竇住都好。」

不少網民看後，都力推樓主買下單位，「買，touchwood（大吉利是）你老豆有咩事過咗身，你入息一定超標，無得繼承間屋，到時你出去要租返一樣尺寸單位，啲錢租幾年都等於呢個數」、「梗係買，買咗，轉手即賣都賺兩球」、「黃大仙靚位」、「買咗就係資產，重要值過百萬，只係而家畀多幾千蚊月供，係財富增值」。

不過亦有認為樓主所住的單位樓齡大，次後或會有很多東西要維修，勸她三思，「三十幾四十年樓，大把維修要做，你買咗就全部要自己俾，綠表買居屋好過」。

資料來源：「連登」