各位打工仔手機最好都是隨身帶或者設置好私隱保護！有網民在網上討論區發文指，偷窺到男同事手機接獲訊息，「上次場大戰好正」，於是拍照放上網公告天下，引來遐想。

「香港討論區」網民指，在公司開會期間男同事因上洗手間沒有帶走手機，隨手放了在椅上，網民看見手機突然發光，於是「好奇一睇」，個手機屏幕是一個粉紅色背景下女子，手機還收到訊息「上次場大戰好正，今晚仲嚟唔嚟」外加2個流口水表情符號，「然後一睇個sender係『B哥』外加無辜辜emoji」。網民指，「呢個故事教訓大家，message記得set privacy」。

其他網民意見紛云，有人猜測是否男同事與同性歡愉，亦有人覺得「可能打牌，打波或者打拳啫」、「我晚上同人online打機都會咁講架啦」、「打機而已，唔好諗太多」。

也有人認為不應該侵犯人私隱，「人私事你就唔好理太多啦，不過可以提提佢set返好個privacy」、「咁賤格嘅你，睇完仲要影嚟share」、「人哋電話信息關你鬼事咩，自己八卦人哋信息內容，仲話人地唔將信息屏蔽。另外人哋大戰，咩大戰都唔知，自己亂估一通，打麻將、打波、打手遊都可以叫大戰一場，你確定人哋所講的大戰係成人床上之間的大戰?」