揭小五女兒「見紅」，港媽堅持帶女兒做檢查，質疑其亂搞男女關係。unsplash圖片
該名網民於Facebook專頁「診所低能奇觀」發文分享指，日前有一名港媽帶一位穿著校服的女兒到診所求診，一進門就氣沖沖走到登記處，「嗌醫生同我check吓佢係咪做埋啲唔三唔四嘅嘢！」。樓主感困惑，於是問需為女兒檢查甚麼，港媽回答，「佢嗰度見紅呀，仲可以check啲咩呀？」、「梗係睇吓佢係咪做咗嗰啲嘢啦」！
該名港媽隨即質問女兒，「你好講係同邊個做啦下！你唔講我都會捉到佢㗎！」女兒否認港媽的質疑，惟港媽反駁指，「你當我冇做過女仔呀？你阿媽我都係女仔嚟㗎」。樓主見狀立即勸喻港媽先冷靜，並提醒或因月經來潮，未料港媽竟大聲怒喝，「小學五年班月咩經呀？我未嚟過呀？」。女兒聞言感委屈，樓主亦幫忙解釋指，現時小朋友普遍早熟，小學便來月經並非新奇事，應待醫生檢查後才下決定，港媽仍堅持己見，「check真啲呀！我哋舊時邊有咁細個就嚟m㗎？實係佢做埋啲唔三唔四嘅嘢，我一定會擰甩你個頭㗎！」。
及後兩母女在見完醫生後，最終證實女兒因月經來潮而「見紅」，港媽踏出診症室便輕聲問道，「既然冇咩嘢係咪唔駛俾錢可以走啦？」，樓主亦立刻解釋，醫生已診症需要收診金，媽媽卻按捺不住，「姑娘，可唔可以快啲呀，我喺度多一秒都覺得好難受呀」。樓主最後按捺不住，抱不平指，「可能你個女仲難受」。
帖文引起網民的熱論，不少網民紛紛批該名港媽無常識，「10歲已可開始青春期，有月經有乜出奇？」、「而家啲食物令小朋友早熟有乜咁稀奇？這個阿媽太不合格」，亦有網市民心痛女童，「戥小妹妹慘」、「最難受應該係個女，大庭廣眾咁鬧法，喺屋企肯定講得更難聽」、「寧願覺得個女五年級就獻出初夜，都唔願意相信早熟嚟M」。
資料來源：診所低能奇觀
