ViuTV原創劇《反起跑線聯盟》今星期首播，劇集講述拒絕成為「怪獸家長」的父母，及要求子女贏在起跑線上的「虎爸、虎媽」，在校園裏各自為自己的理念辯護、而展開連場激戰。劇中梁詠琪（Gigi）為成為合格媽咪而作出各種嘗試，她表示：「導演話我係一個傻媽咪，邊走邊學，同現實中嘅我好似，我依家都係經歷呢個學習階段，劇中有強尼嘅支持，現實中都同家人一齊努力。」Gigi最開心是和劇中女兒瑤瑤產生真感情，鏡頭前後瑤瑤都是以「媽咪」稱呼她，Gigi笑言：「每日開工見到第一眼，佢都會一邊大叫媽咪一邊衝過嚟，就好似我收工返到屋企，我個女所做嘅一模一樣，真係好窩心，所以拍完我最唔捨得就係佢。」
現實中的Gigi也育有一女Sofia。
劇中飾的Nora由職業女性轉做全職媽咪。
Gigi跟飾她囡囡的小妹妹感情要好。
第一次參演長劇，Gigi坦言緊張：「成日聽人講拍劇好辛苦，不過導演好好，雖然一日拍好多場戲，但大家都會預先傾好、做足準備，加上作個劇組一條心，拍攝喺好愉快嘅氣氛下就會更加順利，對我嚟講係一次快樂嘅鍛煉，如果有合適劇本，我都好樂意再拍劇集。」至於強尼跟瑤瑤也有不少互動，他大爆「囡囡」幫他們改花名：「佢會叫Gigi做豬豬，叫我做強強。」
強尼跟小妹妹的演出儼如真實父女一樣。
不少父母收看時應會產生共鳴。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
