姜濤日前在社交平台宣佈「閉關」，皆因要專心製作「第十胎」，不過，閉關前他已完成不少工作，當中包括為銀行拍攝最新一輯宣傳片，而今次也是承接上一條宣傳片的故事，再次化身「二叔」跟小演員做對手戲，片中內容更與姜濤有關，皆因主題正是「肥仔都係一個潛力股」。對於小時曾經是大肥仔的姜濤，坦言對此主題特別有親切感，又指製作單位找到一位與他童年十分相似的小演員演出，感覺奇妙。
今次宣傳片姜濤又拍返二叔角色。
未埋位時同扮演他姪女的小妹妹玩。
姜濤跟上次片中的演員再次合作。
姜濤表示：「其中最難忘一幕係重演我參與唱歌比賽嘅過程，無論喺服裝造型以至場景，就好似再次身歷其境一樣，喺踏上舞台一刻仍然覺得好緊張。」至於今次拍攝令「二叔」姜濤再次重遇年前合作過的跳芭蕾舞「哥哥」以及「姪女」，姜濤驚訝小「姪女」已經長大不少：「睇住小朋友長大，真係驚覺時間飛逝，更加提醒我哋要把握時間，要多啲同屋企人相處，為照顧佢哋嘅生活做好準備。」
姜濤指小演員真係幾似他小時候。
宣傳片中姜濤重現當年參加歌唱比賽的情景。
更多第5波疫情資訊，請到以下專頁瀏覽
按此 https://bit.ly/3JqiBzz
立即下載 | 全新《星島頭條》APP : https://bit.ly/3yLrgYZ
