RB萊比錫中場舒拉加（右），在對曼城的表現非常搶眼。
今屆世界盃在個人角度已經歷一生人最精采的一屆，當時已經好怕唔知會唔會對足球失去興趣，唔係講笑，唔少人都係咁，對一件事或一種遊戲充滿興趣，到「自覺」已拆解就會生厭，就好似打爆機後，就唔會再玩同一款遊戲。呢種對足球失去熱情的後遺症到最近有返起色，正正係因為歐聯歐霸重開，多番點新鮮感。
愛隊祖雲達斯在歐霸首回合又被黑，VAR叫球證補十二碼畀祖記，球證就再用另一藉口罰撳人，這個世道已經去到個別球會被權力機構在球場內外都打壓，實在要睇返幾次「風再起時」去回憶我們曾經擁有過，比較理想的制度。
星期三就睇咗RB萊比錫對曼城，萊比錫追和的一球難道又要吹撳人？球例一樣，解讀不一樣，本身就係一個問題，唔應該接受，「不同球證有不同角度和標準」，從不應該被接受，只是足球已存在太多「唔應該」。
萊比錫個奧地利中場舒拉加在對曼城的表現非常搶眼，閱讀球賽能力高，傳球的路綫選擇非常好，令紅牛唔再係幾年前一樣得個快字，難怪近兩個月攻力咁強。對手法蘭克福周中亦有歐戰，消耗相若冇着數，推介RB萊比錫讓0.5/1上盤。馬高
立即下載 | 全新《星島頭條》APP : https://bit.ly/3yLrgYZ
