黃夏蕙（BB）移居美國半年，月前返港，剛跟老公潘炳烈筵開80席慶祝結婚35周年。趁日前吉日，BB更變身火紅兔女郎，手持兩隻小金豬跟契女徐寶鳳到黃大仙廟拜神，沿途勁受歡迎。對於曾跟香港首位AV女優素海霖出席活動，BB好興奮，但當得知對方要「打真軍」，向來作風前衛大膽嘅BB都嚇親，表示接受唔到：「咁咪連尊嚴都冇埋！」採訪：方騫平 攝影：朱偉彥
BB著好有聖誕Feel的火紅色兔女郎裝現身。
BB以火紅色兔女郎Look現身好搶鏡。
買齊香蠋拜神。
拜埋太歲。
沿途有契女徐寶鳳拖到實。
BB對於老朋友NEL NEL離世深表難過，所以忍唔住怒轟肥媽借故友抽水，傷心完又嬲完，作為頭炷香KOL的夏蕙姨，日前以兔女郎裝扮到黃大仙廟拜神，雖然套衫好聖誕有啲怪，但沿途都好受善信歡迎，除要求「集郵」外，更叮囑她要保重身體，祝福她身體健康。BB誠心上香祈福，希望世界和平，大家身體健康，至於帶同小金豬拜神，喻意「金」苦與共，期待疫情過後人人有工做。
BB誠心上香，希望疫情後人人有工做。
手持兩隻小金豬。
沿途有唔少善信跟BB「集郵」，更奇怪她突然回港。
BB對NelNel離世好難過。
收過億遺產做善事
BB表示太掛住香港，所以較老公潘炳烈月前返港。今次回歸除慶祝結婚35周年，還會處理已故相好胡百全留下的億元遺產，因為是她應得的，所以唔會有阻力。BB說：「我要錢嚟做善事先會咁緊張，我啲仔女個個都好叻，唔需要靠我啲身家，呢啲係上天畀我嘅福氣，我想將啲福氣送畀有需要嘅老人家。」
BB剛跟老公潘炳烈筵開80席慶祝結婚35周年。
席間仲收咗張偉文經理人方俊做契仔。
兩公婆已在月前先後由美國返港。
BB移居美國期間，囡囡陪她到當地嘅黃大仙廟上香。
另外，對於素海霖犧牲色相拍AV，前衛嘅BB唔多支持：「拍三級片就可以，打真軍就接受唔到，相信每個父母都唔想個女咁做，我覺得咁樣好冇道德，連呢啲尊嚴都冇埋，就算一舉成名，犧牲晒一生人色相，會前途盡毁，永遠畀人帶住聯想，個人都唔安樂啦。」
黃夏蕙唔贊成素海霖打真軍拍AV。
BB於活動中跟素海霖碰頭，由於女方着得好保守，BB指她唔特別。
BB思想唔守舊，但都認為女仔要留返啲尊嚴，唔好拍AV。
《星島頭條》APP經已推出最新版本，請立即更新，瀏覽更精彩內容：http://www.stheadline.com/
