星8卦｜「公仔」自把自為睇錯騷犯大忌 寫悔過書保前途
喺邊個地方搵食都要識睇風頭，靠邊站錯咗隨時乜嘢前途都無晒！
好似「公仔」就死得好無辜，話說國家一直都同啲唔友善嘅地區劃清界線，「公仔」一時疏忽，因為唔係本土嘅活動，鬆懈咗，所以俾人群起攻擊。其實嗰次過大海係因為「公仔」同「過氣」都係代言，相約一齊搵食，條數好大架，「公仔」呢排有啲沉寂，梗係仆去交人。
就咁啱「靚女組合」喺當地開騷，「公仔」無警覺性咁去咗仲睇得好興奮，有圖有片有真相，傳返去祖家就梗係俾人告發上最高單位，誇張到要禁播佢嘅劇集，罪名係唔愛國。「公仔」又真係攞嚟衰，做乜坐最前，仲要無話俾經理人聽，等人哋出事都唔識點幫你補鑊。
依家即刻要佢兩個代言廣告下架，經理人求情都搞唔掂，唯有要佢即刻寫悔過書，話以後唔會再犯，亦明白知道做錯咗乜嘢。不過原來「公仔」都唔係第一次，以為自己撈得好掂，一直都自把自為，鍾意做乜就做乜，搞到好多時要經理人揹鑊，同帶佢出身嘅「姐姐」就係因為佢太自得而反枱，今次希望佢識驚，大小事情都同人商量下！
【相關文章】：
星8卦丨「大面」晚晚wet唔錫身 中招照開show妄顧他人安危
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
