新冠疫情專頁| 第五波疫情專頁

淺水灣泳灘的咪高鋒日前喊出一句「請勿在沙灘吸煙」，辣㷫一名煙民泳客，含著一枝無點燃的香煙走到救生員瞭望台下，對著救生員指天篤地唱獨腳戲式大鬧一番，一時稱乎對方為「師傅」，一時又叫「老友記」，最後還連珠炮發拋出金句——「做咩呀？笠水呀？驚呀？淆底呀？」。（躁泳客含煙鬧人對答節錄詳見下文）

從網上流傳的短片見到，躁泳客一輪嘴鬧上約1分鐘，起初含著煙指罵，但剛說完一句話，香煙便告掉到地上，他一聲「哎呀！ｘ，跌ｘ咗添」便彎身拾回沙上的煙再含著，不過未幾即發現含著煙難以破口大罵，於是改用手拿煙以釋放嘴巴。

躁泳客含煙鬧人逐格睇＋網民嘲諷式回應↓↓↓↓

樓主帖文。網上截圖

躁泳客含著香煙。網圖

網民：可能太熱，所以躁少少。網上截圖

躁泳客動怒前。網圖

有網民細心形容躁泳客的行為。網上截圖

躁泳客破口大罵。網圖

網民：條友咁有型，一定要廣傳俾多d見到。網上截圖

躁泳客：喂，你話班伙計喺邊呀？網上截圖

網民：咁鬼小學雞行為。網上截圖

躁泳客含著煙指罵。網上截圖

網民：佢肯定唔係第一支，所以先有人叫咪出聲。網上截圖

躁泳客一輪嘴罵上1分鐘。網上截圖

有網民轉述情況。網上截圖

含著的煙跌了（紅箭咀示）。網上截圖

網民也留意到跌煙一幕。網上截圖

含著的煙跌了落地（紅箭咀示）。網上截圖

彎身拾回沙上的煙。網上截圖

彎身拾回沙上的煙後再次含著。網上截圖

躁泳客：嚟嚟嚟嚟嚟，伙計喺邊？。網上截圖

鏡頭拉遠見到淺水灣的豪宅。網上截圖

躁泳客嫌阻礙發言，改為以手拿著煙（紅圈示）。網上截圖

躁泳客：過嚟吖！幾多個？5個、10個、定3個？網上截圖

躁泳客：喂，唔係呀師傅。網上截圖

躁泳客：喂，我真係，我真係有存疑。網上截圖

旁人側目。網上截圖

躁泳客：喂，老友記，咁大聲講呀，嗌咪嘞。網上截圖

躁泳客：喂，老友，你呀。網上截圖

拿著煙（紅圈示）。網上截圖

躁泳客：大聲公吖嘛，咁臭寸吖嘛。網上截圖

躁泳客：我唔講粗口，我等你講，等伙記嚟招呼我，一個仲有冇？網上截圖

躁泳客：做咩呀？笠水呀？驚呀？淆底呀？網上截圖

躁泳客鳥倦知還。網上截圖

躁泳客回到女伴身旁。網上截圖

短片就此結束。網上截圖

樓主在上載1分40秒長的短片與相片的同時，還講述當時情況——「條『勇士』係沙灘想食煙（準備點），救生員叫咪：請勿在沙灘吸煙，勇士就開始上火，表演齋含唔點煙，keep住含住支無點嘅煙，含含下突然『標童』（編按：『標童』意思是請神靈上身，具刀槍不入超能力。），含住支無點嘅煙走去大大聲ｘ個『一定係多事』嘅救生員⋯⋯然後又『局住扮冷靜中帶點傲氣又好似想好型其實ｘ咗』咁行返開。快啲點煙啦，等你呀！#飲住啤酒睇戲」。

躁泳客含煙鬧人對答節錄：

躁泳客：喂，你話班伙計喺邊呀？
躁泳客：（含著的煙跌了落地）哎呀！ｘ，跌ｘ咗添
躁泳客：喂，你話班伙計招呼我。（彎身拾回沙上的煙再含著）

躁泳客：係呀，嚟嚟嚟嚟嚟，伙計喺邊？（之後又嫌阻礙發言，改為以手拿煙）
躁泳客：即法例上面呢，我唔點知啲咩係冇問題嘅，你叫班伙計過嚟睇住我。
躁泳客：過嚟吖！幾多個？5個、10個、定3個？

躁泳客：喂，唔係呀師傅
躁泳客：喂，我真係，我真係有存疑
躁泳客：喂，老友記，咁大聲講呀，嗌咪嘞

對方：係啦，去啦，去啦，去啦，OK喇
躁泳客：我唔係呀，我同佢講呀
對方：我知，我知，OK喇

躁泳客：喂，老友，你呀
躁泳客：大聲公吖嘛，咁臭寸吖嘛
躁泳客：我唔講粗口，我等你講，等伙記嚟招呼我，一個仲有冇？
躁泳客：做咩呀？笠水呀？驚呀？淆底呀？
躁泳客：我話你啦......

躁泳客一輪嘴狂罵上1分鐘後鳥倦知還，回到女伴身旁。透過短片直擊事件的網民回應時估計「可能太熱，所以躁少少」，另有人批評「咁鬼小學雞行為」，並指「小學雞，條女喺隔離威力升一百倍」；另有人留意到跌煙一幕，指「跌咗支煙係到搵個下最正」。

有網民則在回應欄轉述事件，疑似補充當時情況：「實情係呢條契弟點咗第一支煙，之後畀我哋同事見到叫佢唔好食，佢好有型咁掉咗落沙灘，跟住我同事叫佢執番，之後佢死死地氣走埋去執返支煙，然後返埋位坐低，見佢即刻想再點第2支煙，我同事就即刻爆咪話佢叫佢唔好食，跟住就有咁嘅故事嘞！」，有網友也指「佢肯定唔係第一支，所以先有人叫咪出聲」。其他網民回應請瀏覽上圖↑↑↑↑。