莊韻澄(莊端兒)因患巴陶氏症，去年留唔住第2胎需人工流產，傷心過後更積極人生，將全副精神放落寶貝仔呂崇滈(波子)身上。轉眼間波子已兩歲半，今年9月入讀一間國際學校幼稚園學前班，家住大埔的莊韻澄夫婦，每日揸50分鐘車接送兒子到東涌返學，廿四孝父母真係唔易做。採訪：方騫平
波子放學時見到媽咪，開心得手舞足蹈。
坐完近一小時車程，波子返到學校皺晒眉。
莊韻澄曾痛失第二胎。
由於波子之前上咗一次「分離班」，已適應獨自返學，返到屋企仲好好唱口，將學到嘅歌仔唱畀父母聽。眼見兒子日漸長大，莊韻澄好開心，「佢嘅年紀未識得同小朋友玩，返學時都係黐住老師瘋狂唱歌及跳舞，玩得好開心，老師對佢好好，𠵱家佢越嚟越進步，開始肯跟同學仔一齊轉圈，漸漸學到合群同埋冇咁怕醜。」
放學前15分鐘，學校會安排家長入課室跟子女互動，一齊玩遊戲。
波子年紀小，仍然未懂合群，暫時愛自己玩。
囝囝人細鬼大
莊韻澄笑言囝囝唔怕醜，仲識得搵姐姐嚟拖。「放學前15分鐘，學校會安排家長入課室同學生一齊唱歌及玩遊戲，有時波子會拖第2個姐姐，亦有其他小朋友認錯咗我係佢嘅媽咪。𠵱家佢識得落車後自己行入校園，亦一定頭也不回，仲主動拖住接待處嘅妙齡姐姐。」不過，湊仔亦有唔少忟憎時候，「佢年紀細，車程又耐，未瞓醒落車就扭計，又要求帶埋心愛嘅海洋生物毛公仔返學，甚至要拎走學校嘅公仔，唯有𠱁住佢。」
波子仔好可愛。
精靈活潑。
莊韻澄強調自己唔係「虎媽」，安排兒子入讀國際學校只想佢多啲活動教學，如跟家長一齊耕種及接觸動物親親大自然：「東涌校舍大，既然讀得開心咪讀落去，亦冇打算搬屋，駕車路上可以爭取親子時間。」莊韻澄更打算陪兒子一齊學琴培養興趣，亦未有計劃為波子生個細佬或妹。
做咗阿媽嘅莊韻澄keep住32E，身材冇走樣。
莊韻澄和老公呂成忠錫爆個波子。
莊韻澄力撐吳肇軒主演嘅新片《說笑之人》。
莊韻澄的囝囝跟余香凝嘅囡囡差唔多大，後者更已誕第二胎。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
