《中年好聲音》周吉佩（吉吉）於10月8日37歲生日，吉吉的粉絲「吉S粉」專誠在紅磡一酒店為他筵開20席慶祝，現場設有多個打卡位，吉吉的《中年好聲音》戰友如羅啟豪、吳大強、顏志恆，以及最近被指有為虛擬貨幣交易平台「JPEX」宣傳的肥媽也有到場，不過肥媽就表示不接受訪問。
【相關文章】：周吉佩離職後新動向曝光 計劃創業做一事被老婆開條件
【點擊睇周吉佩慶祝生日】：
吉吉受訪時指一班粉絲很好為他舉辦生日會，又指多年也是低調地慶祝，更笑言今日比九年前結婚還要犀利。吉吉又透露太太黃彥欣與自己同日生日，雖然他想跟對方一起慶祝，但遭太太拒絕：「佢話唔好啦，今日係你嘅生日Party，fans係想同你過，不過今日唔係正日，正日就會同佢哋過。」吉吉又笑言仔女今日也當正自己開生日Party。問到是否已準備禮物送給太太，他笑言還未，因為兩人已婚多年很難買禮物，又自爆早前在拍拖紀念日送驚喜給太太：「折現五位數送畀佢，佢好開心，因為佢成日都話我唔做驚喜嘢，咁兩公婆就不如折現俾佢啦，所以生日都可能會折現。（會加碼？）已經畀晒佢，所餘無幾，或者今年簡單啲，因為好多慶祝活動同宣傳活動，可能我哋簡單食餐飯。」
周吉佩開心推出新歌
至於生日願望，吉吉指能在生日前出新歌《你是我唯一的》已很開心，皆因事前沒想過今年能推出新歌。問到是否有目標，他表示今年做了很多新嘗試和突破，如拍旅遊節目，之後亦會錄一首劇集片尾曲，至於開騷則要看大家反應：「唔敢諗太遠，一步一步嚟，都驚，因為曾經跌過。」
【其他文章】：
周吉佩生日前夕與吉S粉探望長者 相隔15年再推出新歌感觸落淚
開學日丨廿四孝爸爸周吉佩揸車送囡囡返學 讚女兒大個女懂得幫手做家務
周吉佩送女返學後獲粉絲安排巴士送機場出埠 太太為一事準備開光銅錢護身
周吉佩同前港姐老婆水中激吻放閃！ 曾自爆結束七年分房瞓生活 同牀反而唔慣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
