獨家丨王敏奕獲阿佘點名讚開心過攞獎　患高敏症靠陳奕迅歌演《旁觀者》

王敏奕在新劇《旁觀者》飾演重案組督察「姚自如」，屬高敏症患者，對周遭事物異常敏感，情緒波動亦特別大，敏奕自覺也有少許高敏症，對投入角色有一定幫助，同時亦有借助陳奕迅的歌入戲。對於在《新聞女王》的演出獲出爐3料視后佘詩曼點名力讚，她覺得較得獎更為感動，又期待開拍續集。採訪：杜杜攝影：羅安強髮型:Lupus Chui @orient4 化妝:Kit Wong 服裝:Sandro

敏奕1月1日32歲生日，撞正《旁觀者》首播，她視為最佳生日禮物。

劇中的敏奕靠高敏症來查案，現實中對氣味亦特別敏感，有助入廚，「我永遠第一個聞到臭味，所以好怕污糟，但做演員真係好難避免，不過都有好處，就係永遠記得食過嘅嘢，仲可以煮返差唔多嘅嘢食出嚟。」易受外界影響的她，要極速集中投入角色，要靠音樂幫手，她會為每個角色準備專屬歌單，「我由睇劇本開始搵歌，淨音樂或歌都有，好似今次『姚自如』就用咗陳奕迅嘅《大開眼戒》。」

敏奕認為拍劇節奏較電影快，所以特別需要靠聽音樂幫助進入狀態。

劇中敏奕靠飲鹹檸水增強敏感度，現實就要靠食澱粉質減壓。

敏奕首度跟周柏豪合作，大讚對方好識搞氣氛。

期待《新聞女王》拍續集

在《新聞女王》首次跟佘詩曼合作的敏奕，早前獲前輩公開大讚表現，「演員之間或同業嘅認同帶嚟嘅開心，係獎項畀唔到你，可以有獎但對方未必覺得你好，如果對方覺得你好，就真係做得好，因為佢明你做緊咩，仲要係咁犀利嘅演員，大家第1次合作，真係好多謝佢。」她又很期待該劇開拍續集，「從角色『劉艷』出發，佢先啱啱起步，有好多可能性，未有機會往上爬，都想睇佢有咩變化，梗係要有續集啦！要睇監製有冇空間畀我發揮嘞！」不過她希望角色不要被「黑化」，「佢係代表人嘅初心，希望佢繼續光明，我深信有啲人就算個世界點變都好，初心係捉得住。」