星8卦｜「巴辣」「華生」聽師傅話狂做好事 儲定彈藥等收成
向來計較嘅「巴辣」最近同老公「華生」成日做好事，照顧好多無家可歸嘅下一代。呢種行徑得到好多圈中人嘅稱讚，好明顯短時間內為佢哋兩公婆洗晒底。「巴辣」有名你叫，恃住做二幫三幫無人可取替，對好多幕後寸過碼頭咕喱，後嚟都得罪太多人搞到無嘢撈。「華生」亦唔好得幾多，早年有景嗰陣擺晒款，到市道唔好惟有靠「巴辣」賣樓頂生活費。佢兩個一直有個好出名又準嘅風水師，年年都靠師傅擺陣催財。
呢幾年就話要幫嘅都幫咗，最好係用金錢做啲實質嘅善事，叫佢哋接啲可憐人返屋企一齊住。做咗呢件事之後有無改運大家未見到，但去過佢哋屋企嘅人都會讚佢哋係大善人，聲譽上就絕對贏晒，大家好似唔記得佢哋以前係乜人咁。
原來師傅教路未必係攞實際利益，而家市道差，唔到你去強求，但遲啲好番，人人對你印象改觀，好多嘢都諗起預埋你。「巴辣」初時有怨心㗎，話無料到，但「華生」話做人唔好短視，又有佢嘅道理。
相關文章：
星8卦｜「妹妹」服侍「叔叔」等分身家 「痴情」未知真相懷疑戴綠帽
星8卦｜「馬面」由憐生愛照顧「純真」 老婆諗唔通離婚自找苦頭
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
