杜如風今日（23日）出席主持的旅遊節目《解風福岡》活動，她表示揀選福岡，因為越來越多香港人去，而且當地物價也比較便宜，她指自四歲後為了節目再去福岡，今次去了24日，一日拍16小時，是最辛苦的一次，更有一刻攰到頂唔順。
杜如風稱今次除了食和買之外，行程比以往更多風景、旅遊以及郊區的景點，問到此行可有艷遇，她即開心地表示有，而且還遇到三個靚仔：「拍咗20年都冇試過，今次遇到「爐端燒張智霖」、「明太子周國賢」同埋「海膽鄭嘉穎」，海膽鄭嘉穎係整海膽料理，好食到我飛撲上枱話要嫁俾佢，（佢有乜反應？）佢唔睬我，只係笑。」雖然被無視，但她指賣大蝦的「爐端燒張智霖」有幫她搣蝦殼，但因為對方感覺太花弗，所以還是覺得「海膽鄭嘉穎」比較好：「開心，老咗有艷遇，不過都係得個睇字冇抄牌，之後自己再去都會幫襯。」
杜如風今次去了24日福岡，一日拍足16小時，攰到癲。
杜如風好開表示，此行遇到三個靚仔。
