瑪姬一向熱心公益，除了擔任慈善團體九龍城區兒童合唱團主席外，疫情期間更無間斷地籌辦網上慈善音樂會，邀請多位藝人合作為不同受惠機構籌款。日前她現身粉嶺聯和墟參與關愛長者賀年活動，私人捐贈二百包福米，並幫手派發物資福袋予二百位基層長者及貧困單親家庭，她表示：「疫情反覆，呢兩年大家喺生活上都承受唔少壓力，更何況一班基層嘅公公婆婆同單親家庭，希望呢啲少少心意同關懷可以令佢哋過一個比較溫暖嘅農曆新年啦！今日全靠義工們嘅幫忙，令咁多位老友記既遵守限聚令，又好有秩序咁領取物資，成個過程都好順利。」
瑪姬獲發感謝狀嘉許。
瑪姬好愛錫老人家。
瑪姬熱愛公益。
瑪姬出錢又出力。
而第5波疫情亦令瑪姬早前定好的司儀工作全面煞停，她直言：「原本上年年尾疫情稍緩，市況終於露出少少曙光，點知一個 Omicron 殺到就一日之內無咗6個 job，不過其實經歷咗之前4波嘅疫情，都已經習慣咗，亦好彩經營咗4年半嘅髮型屋唔屬於表列處所之一，生意尚算未受太大影響。慶幸自己性格一向好樂天，係嗰啲天跌落嚟當被冚嘅人，而且我相信有危就有機，所以趁有空閒就裝備好自己，一切以平常心面對。」
瑪姬相當落力。
瑪姬現身粉嶺聯和墟參與關愛長者賀年活動。
瑪姬私人捐贈二百包福米。
瑪姬人美心善。
立即下載 | 全新《星島頭條》APP : https://bit.ly/3yLrgYZ
