Executive日記——《無常人生》展出多件作品奈良美智揭大頭妹秘密

       每次見到奈良美智筆下嘅大頭女孩畫作,Kelly都被呢位亦正亦邪嘅小女孩牽動心靈。奈良今日起舉行香港首個大型個人展《無常人生:奈良美智》,除咗展出佢過去二十年多件藝術作品,佢仲為香港設計別注版陶瓷碟,Kelly作為忠實粉絲,當然第一時間衝去睇展覽兼買紀念品。

      奈良美智嘅創作,總是帶有傳統日本「物哀」嘅美學觀念,奈良美智昨天仲會現身說法,喺亞洲協會香港中心同大家分享佢詭異大頭女孩嘅由來,等觀眾深入了解其創作寓意。雖然講座名額一早爆滿,但大家仲可以喺網上睇直播。

      除咗欣賞奈良美智作品,大家仲可以參加每月最後一個周日嘅工作坊「與奈良的星期天」,工作坊每次創作主題不同,引導參加者製作專屬嘅藝術作品。

      Kelly雖然好想參加工作坊,但實在搵唔到時間,只好買限量版陶瓷碟收藏,一套三隻瓷碟分別寫有「香港」、「九龍」及「新界」字樣,完全為香港度身訂造,小妹真係愛不釋手!陶瓷套碟將於本月二十四日起至展覽結束、逢周二下午兩時起發售,每周限售一百套。

      Kelly Chu

      

hd