Executive日記——播藝術家短片現身說法 港鐵站展藝術品 街坊大讚

        藝術緣於生活,每日接載大批香港人嘅港鐵,同時盛載從生活而來嘅藝術品。唔講唔知,全線港鐵車站正展出六十件藝術品,最近仲請嚟部份藝術家現身說法,拍片講述其作品背後嘅故事。Kelly發現,去年落成嘅西營盤站掛有多幅描繪區內街景風貌嘅淺浮雕面版圖,原來喺出自一位英國人嘅手筆,佢觀察到嘅人事物,好細緻,連一眾街坊都豎起大拇指。

        自一九九八年起港鐵開展「車站藝術建築」計劃,現時全線車站展出六十件藝術品,港鐵推出一連五集嘅「港鐵車站藝術」短片,分享藝術品背後,創作人嘅故事。

  位於西營盤站車站大堂近B1及B2出入口,西營盤熙來攘往嘅街景風貌,加上陡峭獨特地形,為創作六幅浮雕畫注入靈感,為題「裏裏‧外外-東南西北」,描繪西營盤東南西北各方位主要街道嘅俯瞰圖。

  英國藝術家Louise Soloway Chan為作品親自解畫:「很多人問我,一個外國人怎麼可以如此細緻地捕捉西營盤的風貌,我認為正因為我不是本地人,我能注意到許多別人習以為常的細節。」「我在香港住了有二十年,對香港的認識都是從日常生活中觀察得來,然後我用繪畫、油畫,或者浮雕的形式把它們記錄下來。」

  早於○七年落成、位於九龍佐敦站月台嘅柿子樹馬賽克壁畫,採用逾五萬塊馬賽克磚鑲嵌,香港藝術家廖東梅係腦痙攣患者,其父親喺短片中,介紹囡囡以畫作代替言語,表達佢嘅想法,而柿子樹每年結出果實,周而復始,則寓意憑無畏的勇氣和鍥而不捨的精神,便可以獲得理想的成果。

Kelly Chu

hd