Executive日記——完成環球飛行旅程 「香港起飛」13號返嚟喇!

  早前一架載住港人飛行夢嘅本土裝嵌小型飛機「香港起飛」(Inspiration),展開咗一場三個月嘅環球飛行,圍繞地球一圈,認真叻叻。Kelly收到風,本月十三號佢哋就會凱旋而歸,小妹一直都有mon實機師鄭楚衡Hank個網誌,留意佢哋最新嘅情況,睇吓Hank上載嘅靚相,為佢哋加油㗎!

  「香港起飛」除咗圍繞地球一圈飛行外,當然都會到唔同地方補給同玩番下,體驗當地文化。

即將展開亞洲旅程

  Hank仲周不時喺網誌分享旅程點滴,最新一張相就係飛越法國圖盧茲上空,仲鬼死咁開心添,Kelly見到Hank喺圖盧茲瘋狂食海鮮,真係好葡萄呀!

  「香港起飛」已經飛越咗大洋洲、美洲同歐洲,即將展開環球之旅嘅尾聲「亞洲旅程」,Hank嘅團隊早前已經向傳媒發出邀請信,喺今月十三號凱旋返屋企時,會搞一場慶祝會,小妹一定會去捧場呀。

Kelly Chu


hd