Executive日記——「咫尺瞳行」 協力助視障人士踩單車

  視障人士踩單車,聽落係天方夜譚,但香港盲人輔導會昨日舉辦嘅「咫尺瞳行2016太平基業協力車慈善行」,首次將呢個想法變成真實。所謂嘅協力車,即係雙人單車,由一名健視領航員同視障人士同踩一架單車,一共有一百支二人隊伍,從科學園出發,行十公里路程,期間健視人士會向視障同伴講解沿途風景,真係好有意義。

  署理財政司司長蘇錦樑出席主持起步禮,鳴槍示意車手起步,佢指大會以「咫尺瞳行」作為活動名稱好有意思,又話協力車上兩個座位的確有點「咫尺」距離,而由健視人士引領「瞳行」向前拉近距離,宣揚咗「傷健共融」嘅信息咁話。

Kelly Chu


hd