Executive日記——城大長勝軍 九奪大專體育賽總冠軍

  早前有個香港大專體育協會賽事,喺十三間高等院校之中,城大運動隊表現好威猛,勇奪咗男、女子團體總冠軍,係佢哋第九次贏得大滿貫啊,真係可喜可賀!

  城大運動隊唔只贏得男、女子團體總冠軍,連本年度大專全年最佳男、女子運動員都喺由城大囊括,得主分別是工商管理學士課程學生葉梓豐,同埋應用社會科學系學生鍾翠婷(圖),Kelly覺得鍾翠婷仲好靚女O添啊!另外,喺三十二項「大專最有價值運動員」獎項入面,城大亦都包辦咗十一項,表現出色啊!

  九度奪得大滿貫咁高興,城大運動隊早前就搞咗個週年頒獎禮暨慶功晚宴,場面好熱鬧。運動隊經過一年嘅艱辛訓練、場場激烈賽事後,可以聚首一堂,一齊分享賽場上嘅點滴、回憶難忘片段,大家都好開心啊!

Kelly Chu

hd