香港回歸二十年，喺呢個大日子，各傳媒以大篇幅回顧大家走過嘅路。講到份量，最新一期嘅《東周刊》隨書附送嘅《香港回歸二十年1997－2017風雲人物訪談錄》，認真夠勁，一次過訪問晒過去、現在和未來四位特首，暢論二十年風雲，仲有不少名人談感受，非常有睇頭。
現任特首梁振英喺訪談錄中自言，五年特首生涯已交足功課，甚至超額完成。佢仲話能貢獻香港，係佢畢生榮耀，卸任後佢將喺全國政協副主席嘅崗位上，服務國家和香港，強調「我呢份人唔會hea。」
候任特首林鄭月娥喺訪談錄中話，話感受到責任好大，但更強的是使命感。談到社會撕裂加劇下，佢話「最不願見的是，樣樣嘢拖咗喺度，對香港最不利。」令Kelly對佢出任特首之後，有所期待。
第一任特首董建華就對香港充滿信心，指一國兩制行得好，過程中碰碰撞撞梗會有，但都是小問題，可以解決的。而前特首曾蔭權亦細說當年應對重大事件的經歷……成本訪談錄近一百八十頁，仲有唔少社會名人嘅專訪和過去二十年嘅大事回顧，一書在手，香港回歸二十年快速回卷，真係精采，不容錯過。
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}