Executive日記——創科局長都留意《頭條》Kelly 「四防」超級圍裙 又靚又實用

        Kelly周二提過創新及科技局局長楊偉雄喺傳媒茶聚上面,向在場記者朋友送上由香港研發嘅多功能圍裙,仲分享煮飯心得。話說《頭條日報》嘅同事前日就神神秘秘咁話,有人送咗份嘢畀小妹,返公司睇吓,原來係楊局長送咗條圍裙畀小妹,真係受寵若驚,Kelly會着住佢好好練習廚藝㗎喇!

        呢條港產創新科技圍裙,實物幾靚㗎,摸起上嚟仲好有質感,Kelly一眼見到就好鍾意,忍唔住即刻試着上身,都幾舒服,外黑內紅設計,睇落都幾修身呀;唔駛多講仲要防水、防油、防污、防菌,一般嘅圍裙真係冇得比呀!

  圍裙送嚟嘅時候仲好貼心咁附上一張小通告,上面寫住很高興見到《Kelly日記》關於由本地自行研發物料製成嘅多功能圍裙嘅報道;內文提到小妹都好想要,所以特別送上一條圍裙。最重要嘅係,通告上面有楊局長嘅親筆署名!證明楊局長好留意傳媒對佢嘅報道,特別有睇本港讀者最多嘅《頭條》,仲好識互動,有心送圍裙畀小妺,真係畀個like佢。小妹會着住新圍裙,好好學習煮嘢食,希望有一日拍得住局長嘅撚手小菜喇!

Kelly Chu

hd