Executive日記——獨特主題客房「魚樂無窮」 海洋公園萬豪酒店大型招聘搵工好機會

  海洋公園香港海洋公園萬豪酒店預計喺明年六月中開幕啦,小妹聽講酒店環境寧靜,交通仲好方便㖭,到時一定去住吓,同大熊貓做鄰居。如果想喺呢間新酒店搵工作機會,小妹有好介紹,佢哋喺本周日起一連兩天舉行大型招聘日呀!

  海洋公園萬豪酒店有逾四百間客房,包括富海洋概念設計元素嘅客房,同三款設計獨特嘅主題客房,大堂有一個十六米高嘅圓柱形水族館,俾大家「魚樂無窮」。酒店將設全港島最大嘅無柱式酒店宴會廳、礁瑚主題游泳池、水療中心、二十四小時健身中心、戶外婚宴場地等等。

  萬豪國際集團喺本周日至下周一嘅早上十時至下午七時於黃竹坑The Collab 舉行招聘日,聘請市場營業部、人力資源部、財務部、前堂部同餐飲服務部等職位。有興趣嘅朋友可瀏覽以下網址:www.marriott.com/hkgop。

Kelly Chu

hd