Executive日記——港鐵.藝術「綠惜春天」 本地藝術家貝殼畫狗狗

  心思巧妙,廢物可以變身成藝術品!港鐵舉辦嘅「綠惜春天」展覽,展出由本地藝術家彭淑儀創作嘅藝術品,佢用貝殼當成畫紙,喺上面畫上狗狗公仔,增添意義同活力,同場仲有用貝殼砌成嘅花花擺設,環保得嚟又有藝術教育意義,Kelly好欣賞!

  積極推廣環保嘅彭淑儀話,每件物件都有價值,希望為被棄置嘅物品帶嚟新生命,好似喺春天含苞待放嘅植物一樣茁壯成長咁話。另外,港鐵公司事務總監蘇家碧亦話,彭淑儀嘅作品可以喚醒大眾對減少廢物同保護環境嘅意識,同港鐵公司嘅願景互相呼應。「港鐵.藝術」-「綠惜春天」展覽由即日起至六月三十日於港鐵中環站J出口舉行,大家如果路經中環嘅話就不妨去睇吓啦!

Kelly Chu


hd