Executive日記——小食店充滿人情味 單親媽幫基層 發哥都撐!

        Kelly喜歡幫襯街坊小店,享受庶民美食,仲有濃濃嘅人情味。好似大埔有一間專賣石磨腸粉等輕食嘅小店,店主係一位單親媽媽,佢獨力養育兩子,連發哥(周潤發)都去支持佢小店!呢位媽媽經營有道,就幫返有需要嘅人,推出老人優惠,又資助單親兒童參加興趣班,回饋社會,非常有心。

        位於大埔嘅「友口馥」,店主係單親媽媽Lily,六年前佢丈夫因病去世,家庭失經濟支柱,Lily決定靠自己雙手,開小店養育兩個兒子。佢憶述話,當初開度生意不太好,後來得發哥親自嚟支持,好多人嚟食嘢,生意開始轉虧為盈,「一次正埋頭苦幹拉腸粉時,突然聽到一個男人大叫Lily,抬頭一看原來喺發哥」,佢對發哥嘅支持,佢好感恩。

  Lily話,o依家有能力,就想幫返有需要嘅人,老人家嚟買腸粉食,佢減四蚊,佢又資助單親兒童參加興趣班為期一年嘅費用,等佢哋發掘自己嘅潛能。

  Kelly好感動,要畀個like呢位單親媽媽!

Kelly Chu

hd