Executive日記——73歲鋼琴初哥 音樂大賽奪獎

  喺上周舉行嘅國際聯校音樂大賽,已經有十幾年歷史,今年好特別,加入咗五十歲以上嘅組別,參賽者唔使喺現場演奏,只要提交錄影片段,而評分標準除咗一般嘅音樂表達及彈奏技巧外 ,仲包括學琴年資同年齡,有十四位首次參加呢個組別比賽嘅人士,喺古典樂曲組同流行樂曲組獲得金獎同銀獎鼓勵,最年長嘅獲獎者是剛滿七十三歲嘅陳笑球女士,佢話好高興:「我學琴後個人開心了,腦海中常哼着音樂,諗少了煩惱的事情,每天練琴個多小時。」

  原來呢批參賽者都係今年起喺金凌音樂培訓中心參加鋼琴班嘅初哥,該中心創辦人鄧佩芬老師話,為咗錄得一次完美的彈奏,佢哋不停喺家中錄影,有位說錄了二十多次,有位從天光錄到天黑,有位錄了三日三夜,總之每位都竭盡所能,獲獎係對佢哋努力嘅認同。鄧老師話,五十歲以上學琴人士嘅最大優勢,係佢哋有較多時間練琴、百分百對音樂有濃厚興趣,但基於種種不同原因,年輕時沒有條件、沒有機會或沒有時間學琴,延至退休才圓夢。

Kelly Chu


hd