Executive日記——名廚日米中煮 美食盛宴

  Kelly對食有至高要求,一碗靚飯真係唔少得!由日本農林水產省資助,全日本大米及大米相關食品出口促進協會主辦之「日米の盛宴」推廣活動,精選七款優質日本米,並邀請本港七間中菜食府嘅六位名廚以中式廚藝演繹「日本米.中國菜」佳餚,將於今年九月三十日至十月三十一日期間推出限定菜式。

  七間中菜食府,包括六國酒店粵軒、名人坊、富嘉閣、卅二公館、莊館、帝京酒店帝京軒,仲有海都酒家。其中六國酒店粵軒嘅荷葉珍珠飯,選用黏度適中嘅滋賀縣晴岡米取代糯米,配上菇粒、瑤柱、雞粒、鹹蛋黃同蝦米製成荷葉飯,突出日本米充滿黏性,較傳統糯米健康。Kelly未食已經流晒口水啦!

Kelly Chu

hd