Executive日記——「李小龍」郵票明年面世

  昨日郵票迷同李小龍迷都好開心,因為香港郵政發佈來年嘅新郵品主題,Kelly發現當中嘅新郵品有偶像李小龍郵票!李小龍係全世界無人不知嘅武術家,今次香港郵政為紀念佢離世四十年,設計咗一套六枚嘅郵票同郵票小型張,將於明年十一月二十七日發行。

  李小龍一生充滿傳奇,係享譽全球嘅中國功夫代表人物,同時以功夫電影震驚西方,令外國人見識到中國功夫好勁,佢嘅成就係跨國家同時代。小妹覺得縱然李小龍離世多年,佢嘅形象和武藝仍傳承於世。

  據了解,香港郵政以李小龍嘅四部電影︰《唐山大兄》、《精武門》、《猛龍過江》、《死亡遊戲》,以及佢嘅哲學思想同他一手創立的「截拳道」為靈感,去設計作品。雖然大家無法喺此時此刻再見到李小龍,但為崇拜者仍然可以擁有郵票及郵票小型張,用低調但優雅嘅方式向這位經典人物致敬。

Kelly Chu


hd