Executive日記——Warehouse川崎展館下月結業 「九龍城寨」再清拆 日本粉絲不捨

  九龍城寨第二次被清拆!Kelly唔係亂嗡,我係指喺日本Warehouse川崎遊戲中心入面嘅九龍寨城展館,多年來吸引唔少日本人同遊客入內打卡,更有港人專登去日本搵返九龍寨城嘅集體回憶。但Warehouse川崎尋日宣佈,將會喺下月十七日結業,唔少日本網民對消息大感可惜。

  九龍城寨係香港一個好有特別歷史背景嘅地點,可惜早在港英政府年代已被清拆並發展。但日本人對城寨好有feel,喺Warehouse川崎遊戲中心重建城寨實景,成為旅遊熱點。但中心昨天張貼結業通告,宣佈喺十一月十七日結業。有日本市民見到通告後,上傳消息至Twitter,引起討論,霸佔Twitter熱門話題榜前三。

  日本網民感到好唔捨得,紛紛上傳經到訪Warehouse川崎嘅相片,希望未去過嘅國民喺結業前到訪呢個能「穿越香港時光嘅空間」。Kelly見到都覺得好感動,原來有咁多日本人對九龍寨城有興趣、感情。

  Warehouse川崎喺○五年喺神奈川縣川崎市開業,以九龍寨城風格裝修,重建無牌診所、肉檔、舊招牌、街招等九龍寨城特色,有「電腦九龍城」之稱。

Kelly Chu


hd