Executive日記——會展推粉紅美食 為乳癌基金募款

  尋日喺Dress Pink Day粉紅服飾日,Kelly見到唔少工商界朋友都換上粉紅色衫,支持「癌症基金會粉紅革命」,宣揚關注乳癌訊息。會展管理公司為咗響應「粉紅十月」,佢嘅餐飲團隊更設計咗一系列粉紅甜品同飲品,等大家享受美食嘅同時,亦喚起對乳癌嘅關注。咁有意義嘅活動,Kelly一定支持!

  香港癌症基金會每年都會喺十月舉行「癌症基金會粉紅革命」,藉此響應國際乳癌關注月,喚醒公眾關注乳癌,同為相關嘅免費乳癌服務籌募經費。喺一年一度嘅粉紅服飾日,參加者仲可以穿上粉紅衣飾支持乳癌患者,只要捐出一百五十蚊,為一名剛完成手術嘅乳癌患者送上乳癌復康包,協助佢哋面對治療同復康嘅種種問題。

  會展自二○○九年起,就大力支持「癌症基金會粉紅革命」。由O依家至十月三十一日,喺會展中心各餐廳惠顧任何一款粉紅甜品或飲品,所有收益扣除成本將全數撥捐予「癌症基金會粉紅革命」,希望大家踴躍支持!

Kelly Chu


hd