Executive日記——逾1400商店食肆 參與長者日消費優惠

  嚟緊嘅周日係「長者日」,為咗向長者表達關懷同敬意,社會福利署當日會舉辦「長者日消費優惠」活動,邀請本地飲食同零售業界為長者卡持有人,提供特別折扣同優惠。Kelly打算當日帶同公公婆婆一齊去Shopping!

  原來,參與今次「長者日消費優惠」嘅店舖,超過一千四百間,來自全港十八區嘅食肆同零售店舖。喺周日,就會向長者卡持有人,提供九折以上或其他形式嘅優惠。Kelly提提大家,參與嘅商舖會喺當眼處張貼相關宣傳海報,方便識別。有關活動詳情同參與商舖嘅資料,亦可以喺「長者卡計劃」手機應用程式下載,或瀏覽社署網頁。

  Kelly問過社署,佢哋話自從一九九四年起推行「長者卡計劃」,目的係方便長者享用政府部門、公共機構及商號提供嘅優惠或折扣。參與計劃嘅商號同機構,至今已超過二千八百間,包括九千一百個零售點或分店。

Kelly Chu


hd