Executive日記——「童萌聖誕大派對」讓小朋友化身店長

  Kelly同好多小朋友一樣,對聖誕節充滿憧憬,期望獲得禮物同驚喜。今年聖誕,香港挪亞方舟特別為一家大細舉行「童萌聖誕大派對」,畀小朋友親手製作專屬嘅可愛動物好友玩偶、化身為「童夢聖誕市集」小店長,體驗營運糖果店及爆谷店嘅樂趣;佢哋亦可發揮科學知識,拼砌松木賽車一嘗喺極速賽道比賽或參與電流挑戰。

  為滿足精力無窮嘅小朋友,挪亞方舟同時特備好玩嘅戶外設施「激FUN天地」、「躍動天地」、光影互動展館「e-Planet 夢想星球」等,分別提供多項跳蹦蹦嘅戶外活動放電,同透過光影技術體驗四季大自然之美嘅互動展館,齊齊玩轉聖誕大派對,將玩偶禮物同歡樂統統帶返屋企。

  Kelly提提大家,「童萌聖誕大派對」將由今年十二月七日至明年一月一日期間,逢周六、日及公眾假期舉行,門票分成人票、小童同長者票。若大家感興趣,請參閱挪亞方舟官方網頁。

Kelly Chu


hd