Executive日記——讓觀眾感受嶄新當代舞體驗 城市當代舞蹈團 再度進駐西九

  Kelly不時都會去西九文化區,感受一下藝術氣息,放鬆心情。小妹近日就發現,城市當代舞蹈團(CCDC)將連續三年進駐西九自由空間,由即日起至下周日(二十四日),將舞台演出、環境舞蹈、舞蹈影像、國際業界示範展演同當代舞蹈節共冶一爐,希望畀觀眾感受嶄新嘅當代舞觀賞體驗。

  原來,部份作品仲同香港有關,好似由CCDC駐團編舞家桑吉加嘅全新作品《Re-Mark》,就係探索身體、記憶與香港城市面貌的微妙關係;另外,CCDC駐團藝術家喬楊嘅獨舞作品《Almost 55喬楊》,就演繹佢橫跨四十年嘅舞蹈生涯。有興趣嘅朋友,可瀏覽西九文化區網站,查閱票務資訊。

Kelly Chu


hd