Executive日記——買米奇星願耳朵 助病童願望成真

  聖誕節係普天同慶嘅日子,Kelly推薦大家去香港迪士尼樂園玩,仲可以支持願望成真基金,幫助病童夢想成真。迪士尼朋友話,喺十二月聖誕節月,樂園內推出一款特別設計「米奇星願耳朵」(Minnie Wishmas Ears),充滿節日氣氛嘅米妮老鼠耳仔頭飾,入場遊人每購買一個指定頭飾,樂園就會捐贈五十蚊畀願望成真基金。

  細細個就獲願望成真基金幫助,去到西班牙睇皇馬足球隊比賽嘅Andrew,達成心願多年,現在已係一名大學三年級嘅學生,佢冇忘記回饋基金,現在喺基金擔任實習生,昨日佢亦有到香港迪士尼樂園出席活動,支持樂園與願望成真基金嘅聯合善舉。

  Andrew患有先天性嘅成骨不全症,即是俗稱「玻璃骨」,平日需要用輪椅代步響,但喺成長過程中,佢不斷努力克服困難,包括用更多時間做好每一項嘅準備工作。佢昨天話,努力尋找方法,總有機會願望成真。Kelly畀個大like Andrew ,加油呀。

Kelly Chu


hd